Orðabók
Skilgreiningar á nokkrum lykilhugtökum

Að meistra: Að læra eitthvað þar til náð er fullkomnu valdi á því.

Athyglisbrestur (ADD = Attention Deficit Disorder): Ástand sem lýsir sér í erfiðleikum við að halda athyglinni við tiltekið efni.

Athyglispunktur: Stöðug staðsetning fyrir ofan og aftan höfuðið (þessi staðsetning er breytileg eftir einstaklingum)

Davis® athyglisþjálfun: Aðferðir sem hjálpa fólki að skapa, finna og nota stöðuga staðsetningu fyrir hugaraugað; aðferðir til að stjórna, fylgjast með og slökkva á skynvillu.

Davis® leiðrétting: Einstaklingsbundin þjálfunaráætlun þar sem viðkomandi lærir að leiðrétta skynvillu, viðhalda skynstillingu og bæta færni í lestri, skrift, stærðfræði og athygli.

Einbeiting: Takmörkun athyglinnar við aðeins einn hlut.

Hugarauga: Staðurinn, þaðan sem horft er á myndir í huganum.

Jafnvægi: Hæfileikinn til að standa á öðrum fæti án þess að riða; skyn sem má nota til að kanna skynstillingu.

Kveikjuorð: Orð sem veldur skynvillu; oftast orð sem viðkomandi veit ekki hvað merkir.

Lesblinda: Erfiðleikar í lestri, skrift, tali eða áttun sem verða vegna skynvillu, sem kviknar við ringl, sem tákn vekja.

Meistrun: Að hafa fullkomið vald á einhverju.

Námshækjur (áráttulausnir): Atferli, ávani og huglægar hækjur, sem beitt er til að bæta fyrir mistök og vonbrigði sem stafa af skynvillu.

Ofvirkni: Ástand sem getur fylgt athyglisbresti og lýsir sér í því að viðkomandi virðist óvenju eirðarlaus, hreyfir sig mikið um eða getur ekki setið kyrr.

Reikniblinda: Gerð af lesblinduþar sem erfiðleikarnir tengjast aðallega stærðfræði og tölum.

Ringl: Yfirþyrmandi ráðþrot.  Ringl veldur skynvillu hjá lesblindum.

Ringlþröskuldur:  Þegar einstaklingur verður yfirþyrmandi ringlaður vegna einhvers í umhverfinu.

Skilgreining: Staðhæfing sem felur í sér merkingu orðs.

Skrifblinda: Gerð af lesblindu þar sem erfiðleikarnir tengjast aðallega skrift.

Skynstilling: Þegar maður er rétt staðsettur miðað við sannar staðreyndir og skilyrði; hugarástand þar sem huglægar skynjanir samræmast sönnum staðreyndum og skilyrðum í umhverfinu. Skynstilling dregur úr ringltilfinningu.

Skynvilla: Þegar maður hefur tapað áttum. Hugarástand, þar sem huglægar skynjanir samrýmast ekki sönnum staðreyndum og skilyrðum í umhverfinu; hjá sumu fólki er þetta ósjálfrátt viðbragð við ringli. 

Verkstol (dyspraxia): Hreyfiörðugleikar sem geta haft áhrif á líkamshreyfingar. Verkstol (dyspraxia) getur komið fram sem klaufska, skriftarerfiðleikar eða talerfiðleikar.


Aðalsíða

Heimild: Ron Davis, Náðargáfan lesblinda, 2004.